بحـــــــــــــــبـــــــــــــــك

بحـــــــــــــــبـــــــــــــــك

بحبك وإنتى سكتالى
ومش واقفالى عـ الواحده
وأحبك وانتى بتغيرى
فـ يوم ما ببص على واحده
وأحبك لما تتشاقى
كإنك طفله ست سنين
وأحبك لما تشتاقى
وتيجى بقلب كله حنين
وأحبك وانتى تقالانه
على الآخر وسيبانى
... وأحبك وانتى كارهانى
وأحبك وإنتى حبّانى
وأحبك لما بتقولى
بحبك ياض
فأقوم باصص بطرف عنيا
بتناكه ..
وأحبك لما بتجينى
يا كوكتيل فاكهه فـ الخلاط
حلاوه ورقه وشياكه
ولكن بكره انى أشوف
عيونك دول ..
فـ وقت بعادنا بتدمع ..


عشان أنا وانتى زى الشمس
وسماها
فـ وقت الليل بنتفارق
وساعة الصُبح نتجمّع