صيام الجوارح ^_^

صيام الجوارح ^_^

السلام عليكم و رحمة الله و بركاته

صايم ولا زي كل سنه ؟؟ هيهيهي الطف سؤال الناس
اللطيفه بتسألوا كل سنه ..ولا بيتعبوا ولا بيزهقوا ولا بيملوا من التكرار
الحقيقه طول عمري كنت بتجنب الرد على السؤال ده
لان الصيام الي بيسأل عنه غير الصيام الي انا اعرفه ..
هو بيسأل عن الصيام عن الاكل و الشرب بس
يعني المفهوم السائد عند الناس ...
مدفع الافطاااار اضرب
يوقع بوشو في اول طبق يقابلو ..
اذان الفجر ...زووو
يقوم سايب من ايدو كوبايت الشاي ..و يطلع دخان السجارة من صدره..لكن فين بقى الباقي..فين بقى الصيام ؟؟
صيام الجوارح و مجاهدة النفس ؟؟


انا مبقدمش فتاوي دينيه ولا عامله نفسي شيخ الشيوخ..
الموضوع بسيط اوي
1-اتلم و2-لم لسانك و3-غض بصركو4-اقفل ودانك ياريس منك ليه
لالا مش انت ياريس انت تعمل الي انت عايزو..
الموضوع مش اي كلام في اي كلام و الموبيلات و التليفونات الي شغاله طول اليوم و
فلانه قالت و عملت و علانه زادت و ترتانه قالت ..(نميمه )
و الفطار امبارح كان يطرش (نميمه)
وايه الي كانت لابساهولنه ده ؟ (نميمه )
و جوزها طالعلنا بالشوراب (نميمه)
و يا سلام على الشارع في رمضان ..
اكتر الاماكن الي تسمع فيها سب دين ؟؟
يبقى انت اكيد في رمضان ..
هو احنا مش شعب متدين ولا ايه ؟؟اذا كان السب في الايام العاديه مصيبه سوده في اي وقت و اي يوم في السنه ؟؟
ما بالك بقى في اهم شهر الناس بتتهدي فيه

في رمضان في الشارع مثلا بتشوف الا يشارب ملفوف على الراس و بودي و بنطلون جينز و تلاقي مليون عين طالعه
بيتفرجو و يدققو لمدة دقيقتين تلاته و بعد ما يشبعو فورجه
استغفر الله العظيم ..اللهم اني صائم
و المشكله بتسمع الكلام ده و هما لسه باصيين
يا سيدي لم عينك و غض البصر شويه يعني
و اذا كانت هيا مش بتلم نفسها في الشهر ده او في غيرو من الاشهر مش بتلم نفسها لم انت عينك يا عنيهd :
ياريت نركز شويه ..في الشهر الفضيل ده و نستغل الاوكازيونات الي فيه
بلاش نخرج من رمضان زي ما دخلناه


شكراااا